La crotz occitana es un signe d'identitat, d'obertura als autres, de tolerància e del desir de viure amassa en respectant las diferéncias de cadun. Cossí se sona? Crotz provençala, crotz arlesiana, crotz venesiana, crotz de Tolosa, crotz lengadociana, crotz occitana... es l'emblèma d'Occitània dempuèi l’Edat Mejan. Qué representan sas colors? L’Aur sus un fons roge coma lo sang, que representa l'arma de l'umanitat, e jauna coma l'aur, lo solelh en fusion, l'Èsser Suprèm. Qué simboliza? - Lo Crist al centre (lo solelh de justícia segon Sant Luc), las dotze bolas que representan los apòstols. - En referéncia a l'Apocalipsi de Sant Joan, representa l'union mistica de l'arma e de l'esperit, e las bolas representan las dotze pòrtas. - Las dotze bolas pòdon tanben simbolizar los dotze ostals del cicle zodiacal anual. Quina es son origina ? Se pensa qu'èra presenta dempuèi l'epòca romana e visigotica. Foguèt pas qu'al sègle XI que pareguèt dins sa forma actuala, particularament dins las familhas descendentas dels Marqueses de Provença. Se pòt trobar ja a la Primièra Crosada (1095-1099) sus las armas de Raimon IV de Sant Gèli, cap d'una armada occitana, durant la presa d'Antiòquia. Apareguèt sul sagèl de Raimon VI, comte de Tolosa, en 1211. Sus la bandièra occitana modèrna, es associada a l'estèla de sèt brancas que representa las sèt províncias istoricas d'Occitània.
Lire la traduction
Jean-Pierre Hilaire - 06 76 47 32 12 - Jean-pierre.hilaire@wanadoo.fr Des suggestions pour cette rubrique ?
