Aquela pèça de teatre en un acte escricha per la poetessa francesa d’origina agenesa, Rosemonde Gérard, tombada dins l'oblit e redescobèrta per Christian Moulié, serà lèu tornamai jogada a Agen e a Cambo dins lo Bascoat.
L'intriga se debana a Agen, al Gravèr, en 1822. La botiga de Jansemin pòrta aquela ensenha : « Jansemin, cofaire dels joves ». Los principals personatges son : Jansemin 24 ans, Lòrd Salisbury (riquissim anglés de 50 ans), lo curat Mirabèl, lo secretari de Lòrd Salisbury e Manhonet (florista de 20 ans, esposa de Jasmin).
Pierre Lagarde, jove jornalista parisenc, obten una entrevista de Rosemonde Gérard : « Dòna Gérard, perqué aquel títol : Las Papilhòtas ? » « Aquel títol del libre de Jansemin m'intriguèt. Jacme Jansemin lo poètaperruquièr d'Agen… 1830… Imaginavi la vida d'aquel òme entre son pincèl, son rasor… e las musas, lo vesiái rasant fòrça mal un impausant magistrat, perque una rima es aquí, jos son front qu'o frequenta. E pauc a cha pauc, l'idèa me venguèt de ressuscitar lo poèta e d'inventar una rason al títol de son libre. Aquí la pèça, l'ai volguda plan simpla. S'es pertocanta, es que los còrs i parlan. Jansemin e Manhonet, promeses charmants e paures… e un mecène subrevenent que fa editar lo volum perque legiguèt, sus un trocilhon de papièr, una estròfa alada e que canta. » Se Charles Nodier descobriguèt lo talent de poèta de Jasmin, Rosemonde Gérard inventarà, a sa plaça, l'arribada d'un personatge anglés, Lòrd Salisbury.
Lire la traduction
Jean-Pierre Hilaire - 06 76 47 32 12 - jean-pierre.hilaire@wanadoo.fr Des suggestions pour cette rubrique ?
